Li Nisêbînê mînîbus û motorsîklet li hev qelibîn, 1 kes mirin

Li navçeya Nisêbînê ya Mêrdînê qezaya trafîkê pêk hat, mînîbusek û motorsîkletek li hev qelibîn û kesek mir.

Qeza duh li taxa Îlkadîmê ya navçeya Nisêbînê pêk hat. Wesayîta ku navê şofêrê wê nehate diyarkirin ku plaqeya wê ya mînîbusê 47 M 4303 bû, bi motorsîkleta Ahmet Görgün a diajot li hev qelibîn.

di qezayê de Ahmet Görgün ê 19 salî bi giranî birîndar bû. Li ser vê yekê 112 ekîbên tenduristiyê û cendirmeyan sewqî herêmê hatin kirin. Görgün ê ku bi giranî birîndar bû bi ambûlansê rakirin Nexweşxaneya Dewletê ya Nisêbînê û hat dermankirin. Lê tevî hemû destwerdanan jî Görgün jiyana xwe ji dest da.

Cenazeyê Görgün ji bo otopsiyê birin Saziya Tiba Edlî ya Mêrdînê û îro jî li navçeya Nisêbînê hat definkirin. Di dema ku ajokarê mînîbusê der barê bûyerê de hat binçavkirin, ekîbên cendirmeyan lêpirsîn dan destpêkirin.

1  |  1

ca107107-291e-4866-aa76-7d0b6f0d6cc4