Texmîsek li ser Xezeleke Perto Begê Hekkarî

Bo sewta dil, min xwezî çemek heba

Ya ji bo min, keşke derdderek heba

Bo ku çak kim, eşkera ataşek heba

Bo xema dil min xwezî yarek heba

Ya ji bo zexman me xemxwarek heba

Min nema karim li nik van kerkeran

Derdê dil xwe rabikim ez heyberan

Wesfê husna te niqutî bargiran

Xeste û bêçare rûyê dîlberan

Merhemet ‘inwanê tîmarek heba

Ger bikarim ez ji agir vebibam

Li nik wefayê ez sergerdan bibam

Lehzekê min dûr bikira kerbelam

Da ji êşan lehzekê xafil bibam

Camekî sebhayî serşarek heba

Sebr û teqet min nema wek nîrengî

Kes nema guhdarî ke, bûm bêdengî

Kanî dîsa tû bibêje wek bengî

Karê bê hed gîr di me da zendegî

Muşkila me ra mededkarek heba

Êşiyam ya reb, ji dehrê rûsiyah

Poşîman im min firya ateş û ah

Dê çikim ez ji halê xwey nay felah

Dê biçûma sayeya zulfa siyah

Ger wefayek yane zînharek heba

Sewwirîm mecnûn mîsal, de bibên

Liblibî barîn ji çavan sed libên

Nîne kes bîne dewa û çêbibên

Sotim ehwalî nizam kî ra bibên

Hemdemek meftûnî dildarek heba

Ka nebû aramî halê zehrewî?

Kes nizane çi vedşêrim nedrewî

Felekê li min rabû da bibme wî

Dê biba aramê halê pertewî

Ger refîqan soz û azarek heba